Ola familias!
Arrancámo-lo día cunha serie de actividades que espero que vos sirvan de axuda para afrontar a semana.
Hoxe tráiovos unha idea para facer estampas. Tod@s temos pola casa tubos de papel hixiénico, pois ben, ímoslle dar forma de corazón, ovalada, redonda, cadrada... e coma si fosen selos despois de mollalos en pintura poderemos estampar auténticas obras de arte.
Aproveitando que estamos en primavera podedes recortar os rolos de papel con diferentes formas de flores e facer unha paisaxe de primavera.
Se queremos seguir con outra manualidade primaveral, podedes estampar utilizando flores naturais, mollámolas en pintura e estampamos nun papel ou cartolina, así teredes unha fabulosa obra de arte primaveral.
Por si non tedes pintura na casa aquí vos deixo un vídeo co que podedes vós facer a pintura na casa dunha maneira moi sinxela e con materiais que neste momento podedes ter pola casa ou ir a comprar.
Para esta semana escollín o conto "Frutas" da colección da "Do berce a lúa" da editorial Kalandraka.
A canción que propoño esta semana utilizámola na clase para xogar coas mans. Seguro que pasades un bo rato con ela na casa.
Nada máis por hoxe. Ánimo que xa queda menos. Vótasevos moito de menos. Un bico e ata a semana que ben.
Ningún comentario:
Publicar un comentario