Aniversarios Decembro

 Para rematar este ano..., no mes de decembro estiveron de aniversario: Lucas G. que fixo o segundo aniversario, e máis Erik, Hugo e Borja que xa teñen o seu primeiro ano. Moitos parabéns nenos!!!!!!!!!!!!!!!!!!! Tamén queremos desexarvos un feliz novo ano 2021 familias👪💓💓💓

Aniversarios de setembro e novembro

Bos días a todas e todos!!!!! Comezamos a cumprir aniños na Escola, é ben certo que este ano facémolos doutra maneira por mor da COVID. Pero pasámolo igual de ben coa nosa tarta, cantando cancións de aniversario e soprando as candeas, porque sen celebralo non iamos a quedar. Velaquí van os aniversarios dos cativos que naceron en setembro: Unai, Saray e Celia, e en novembro, Lois e Nagore (das nubes) e Mateo e Julia (da clase das estrelas). MOITÍSIMAS FELICIDADES RAPACES!!!💗💗💗💖💖💖

Os primeiros pasiños das Nubes

Boas familias, estamos nunha das estacións máis bonitas, o OUTONO, e na clase das nubes celebrámolo facendo moitísimas cousas: pintamos os ourizos cacho, experimentamos coas follas, traballamos o vocabulario relacionado, manipulamos cabazas,... 

Tamén puidemos celebrar o SAMAÍN que tanto nos gusta!!!! Con morcegos, pantasmas, cabazas, cancións, contiños, ....

Estas tamén foron unha mostra das cousiñas que fomos facendo dende setembro que comezamos a andaina deste curso escolar, esperamos que vos guste o vídeo de recompilación.

Unha aperta moi especial familias💕💖💗

Primeiros días na clase das nubes

 Bos días familias! Non o parece pero xa hai un mes que comezamos esta aventura... Os primeiros días foron bastante duros xa que separarse dos seus vínculos principais de apego é algo que xera moita inseguridade, tanto para os e as que xa estaban matriculados/as o ano pasado como para os novos/as cativos/as. Malia que houbo berros, choros e demais; cada vez estamos máis a gusto.... Velaquí vai un resumo dalgunhas cousiñas que fomos experienciando este mes:xogamos coas madeiras, ensertamos aneis, xogo heurístico, cesto dos tesouros, construcións, contos, etc. Unha morea de cousiñas!

Ata a vindeira entrada familias!!!!

Comezamos un novo curso escolar!!!!

Bos días familias!!!

 Este pasado 7 de setembro, comezamos un novo curso escolar na Escola Infantil Municipal 0-3 anos do Concello de Meaño. Este é, sen dúbida, un ano de cambios e incertezas, pero dende a escola estamos moi contentas porque comeza unha nova aventura que percorreremos todos xuntos. Coma sempre é un pracer compartir convosco cada curso escolar que seguro ven cheo de grandes experiencias e aprendizaxes.

Na seguinte imaxe, deixámosvos o calendario escolar deste curso académico para que poidades botarlle un ollo cando precisedes.

FELIZ VERÁN !!!

Ola familias, hoxe toca despedirnos de todos vós,  especialmente dos cativos que rematan este primeiro ciclo da Educación Infantil na nosa escola: Alejandro, Alex, Aníbal, Antía, Anxo Ramón, Damián, Irene, J. Antonio, Julia, Leire, Marco, Miguel, Roi, Sofia, Uxía, V. Angela, Vega, Victoria, Yassin, Zoila, Kevin e Julene.

Este curso truncouse por culpa dun "bechiño" que cambiou as nosas vidas e as vosas tamén. Non puidemos  facer tantas cousas como tiñamos pensadas e tanto vos gustarían: excursións, saídas aproveitando o bo tempo, festas e máis festas  (da auga, dos avós, de San Xoán, de fin de curso...) pero tamén é verdade-estamos seguras disto- que coas vosas familias gozástedes moito e aprendichedes moitas cousas tamén. O importante é que "grazas" a esta situación, estivéstedes moito máis tempo cós vosos pais, tempo de calidade e que en moitos casos, só podería ocorrer con esta situación de confinamento á que nos vimos obrigados todos.

Desde o blog da escola quixemos axudarvos, aportándovos ideas, suxestións, propostas de xogo para cada idade. Esperamos que vós serviran de axuda nestes meses.

Queremos agradecer, ás familias, toda a vosa entrega, a colaboración en todo o que vos solicitamos. 

Co proxecto "Talleres coas familias" na aula das "Lúas", aprendemos moitas cousas de vós e dos vosos intereses e para os pequenos foron momentos moi especiais que compartíchedes con eles. GRAZAS DE TODO CORAZÓN!!

A vós, PEQUENIÑOS, dicirvos que foi un verdadeiro pracer acompañarvos nesta etapa tan importante nas vosas vidas, a algúns  fixémo-lo dende que erades uns bebés, e fomos vendo como  iades superando etapas, momentos: gatear, andar, correr, falar, saltar, xogar, compartir.... en definitiva, CRECER!

NOS VOS IMAXINADES O QUE ISTO SIGNIFICA PARA NÓS!!!!

Con este vídeo queremos facervos unha pequena homenaxe, intentamos reflectir o voso paso pola escola, esperamos que vos guste moito, fixémolo CON TODO O NOSO CARIÑO!!!

As profes
AndreaV., Elena, Elva, Helena, Lara e Andrea R.

💓💓💓💓💓💓

AULA NUBES

Ola familias!

Sempre é boa idea acercar @s nen@s á cociña, e agora, coa calor, podemos facer unhas receitas fresquiñas e apetecibles. Sen medo, pero sempre baixo supervisión, podemos deixar que @s nen@s corten a froita, espreman, poñan os ingredientes, fagan os transvases...

Déixovos 3 receitas que na casa triunfan sempre:

• Limonada: medio limón, 2 culleres de azucre, xeo, auga, unha folla de menta. Espreme-lo limón e mesturar todo.

• Zume de froita natural: unha laranxa grande ou dúas pequenas, medio limón, 2 rodas de piña, 6-8 fresas. Licuar todo. ¡Este zume non durará nin 30 segundos pola casa!

• Pau de laranxa: so necesitamos zume de laranxa natural e envases para facer polos. Se non temos envases de polos podemos usa-lo envase dos iogures baleiros. Podemos poñerlle froita dentro.
  
  
  
  
  

AULA SOLES- Facemos unha casiña para xogos

Bos días familias! A entrada desta semana, dende á AULA DOS SOLES está relacionada có xogo simbólico, consiste en elaborar unha casiña de xogos. Este tipo de xogo axuda a que entendan o seu redor, desenvolver a linguaxe, mellorar a socialización e a intelixencia emocional. A súa vez, paralelamente potencia a súa autonomía, creatividade e imaxinación.

A continuación, deixámosvos diferentes ideas para facer, cós bosquexos e patróns para poder realizalas. Tan só precisades dunha caixa e de cinta adhesiva. Para a posterior decoración, podedes pintala, engadirlle fiestras, portas, tellas,... Sen dúbida, unha simple caixa pode ser o mellor xoguete. Facédea e poderédelo comprobar!!!!

E para aqueles con ganas de algo máis, no seguinte vídeo ensinámosvos unha proposta para facer un tipi indio sen necesidade de coser, para el tamén podedes empregar en lugar da madeira as canas indias que hai nas fincas. Velaquí vai o vídeo!

Non nos esquecemos dos cativos que estiveron de aniversario durante este tempo que non fomos á escola. Estes pequenos que cumpriron anos na aula dos soles foron: Nicolás, Simón, Ayman e Thiago. Moitas felicidades neste primeiro aniño!!!!!!

ATA PRONTO, MILLÓNS DE APERTAS!!!!!!

AULA LÚAS: ESTA VAI DE CONTOS.

Ola a todos, 

   Estamos recollendo toda a escola. Limpamos, lavamos, ordeamos, recolocamos,...Xa sabedes que os nenos non poden volver a vir ata SETEMBRO. Unha magoa... Unha das cousas que máis nos gusta facer é ordear todos os libros que temos, reparalos e deixalos listos para poder contar ós nosos nenos e nenas. Non hai nada mís enriquecedor para os nosos cativos que mirar e escoitar contos. Entre os efectos positivos de ler cos pequenos están:

• Axudámoslles a enfocar a súa atención e a mantela o tempo suficiente para escoitar a historia.
• Ofrecemos un modelo de lenguaxe correcto tanto en estructura como en vocalización, ás veces diferente do que está habituado/a .
• Propiciamos que coñeza novo vocabulario.
• Ensinámoslles entornos e personaxes descoñecidos reais ou imaxinarios.
• Fomentamos a sua creatividade que se vai manifestar tanto na linguaxe como no xogo
• Favorecemos a creación dunha relación de afecto estreita entre pais/nais e fill@s, pois mentres lemos estamos tendo contacto físico, mirándo@s, atendendo@s...
• Facilitamos que poida entender situacións que as veces é millor explicar coa axuda dun conto, unha rabieta, un nacemento, un conflicto,...
•  ....

    Todo isto "Tan só con leres un libro". Esta frase tan expresiva  é o título dunha canción moi chula de MAMÁCABRA. 

Escoitádea cos vosos nen@s neste enlace

   Dende aquí ofrecemós unha seleción de contos que  van a gustarlles e que podedes comprar ou buscar nas bibliotecas. Son unha pequena mostra de todo o mundo da literatura infantil que podemos atopar. Seguro que algúns xa os coñecedes.

Pablo Albo e Andre letria. A sopa Queima. Ed OQO
No día a día, os máis pequenos teñen que facer fronte a retos que a eles lles parecen insuperables, aínda que os adultos os vexan como algo nimio; neste caso, a sopa a unha temperatura imposible.

Jerome Ruilier. Por cuatro esqinitas de nada. Ed juventud
Cadradiño   na casa dos amigos Redondiños, pero non pasa pola porta porque – A porta  redonda como os seus amigos! «Teremos que recortarlle as esquinas!», din os Redondiñoss. «Oh, nom! – di Cadradiño – » Qué podemos facer? Cadradiño é diferente. Nunca será redondo

Eva Mejuto e Mafalda Milhoes. Maruxa. Ed OQO
Maruxa decide dar unha lección ao seu marido. Astuta, e cunha gran habilidade no manexo da retranca, logrará que Pepiño tome consciencia de que o traballo da casa está mal repartido e consegue que cambie de actitude.

   

  Agora imos ensinar outro conto, "O cascabel da Gata",  pero este xa aparece contado no seguinte vídeo:

Recordade:

LEDE PARA OS NEN@S, 

E PARA OS ADULTOS TAMÉN!