FELIZ VERÁN !!!

Ola familias, hoxe toca despedirnos de todos vós,  especialmente dos cativos que rematan este primeiro ciclo da Educación Infantil na nosa escola: Alejandro, Alex, Aníbal, Antía, Anxo Ramón, Damián, Irene, J. Antonio, Julia, Leire, Marco, Miguel, Roi, Sofia, Uxía, V. Angela, Vega, Victoria, Yassin, Zoila, Kevin e Julene.

Este curso truncouse por culpa dun "bechiño" que cambiou as nosas vidas e as vosas tamén. Non puidemos  facer tantas cousas como tiñamos pensadas e tanto vos gustarían: excursións, saídas aproveitando o bo tempo, festas e máis festas  (da auga, dos avós, de San Xoán, de fin de curso...) pero tamén é verdade-estamos seguras disto- que coas vosas familias gozástedes moito e aprendichedes moitas cousas tamén. O importante é que "grazas" a esta situación, estivéstedes moito máis tempo cós vosos pais, tempo de calidade e que en moitos casos, só podería ocorrer con esta situación de confinamento á que nos vimos obrigados todos.

Desde o blog da escola quixemos axudarvos, aportándovos ideas, suxestións, propostas de xogo para cada idade. Esperamos que vós serviran de axuda nestes meses.

Queremos agradecer, ás familias, toda a vosa entrega, a colaboración en todo o que vos solicitamos. 

Co proxecto "Talleres coas familias" na aula das "Lúas", aprendemos moitas cousas de vós e dos vosos intereses e para os pequenos foron momentos moi especiais que compartíchedes con eles. GRAZAS DE TODO CORAZÓN!!

A vós, PEQUENIÑOS, dicirvos que foi un verdadeiro pracer acompañarvos nesta etapa tan importante nas vosas vidas, a algúns  fixémo-lo dende que erades uns bebés, e fomos vendo como  iades superando etapas, momentos: gatear, andar, correr, falar, saltar, xogar, compartir.... en definitiva, CRECER!

NOS VOS IMAXINADES O QUE ISTO SIGNIFICA PARA NÓS!!!!

Con este vídeo queremos facervos unha pequena homenaxe, intentamos reflectir o voso paso pola escola, esperamos que vos guste moito, fixémolo CON TODO O NOSO CARIÑO!!!

As profes
AndreaV., Elena, Elva, Helena, Lara e Andrea R.

💓💓💓💓💓💓

AULA NUBES

Ola familias!

Sempre é boa idea acercar @s nen@s á cociña, e agora, coa calor, podemos facer unhas receitas fresquiñas e apetecibles. Sen medo, pero sempre baixo supervisión, podemos deixar que @s nen@s corten a froita, espreman, poñan os ingredientes, fagan os transvases...

Déixovos 3 receitas que na casa triunfan sempre:

• Limonada: medio limón, 2 culleres de azucre, xeo, auga, unha folla de menta. Espreme-lo limón e mesturar todo.

• Zume de froita natural: unha laranxa grande ou dúas pequenas, medio limón, 2 rodas de piña, 6-8 fresas. Licuar todo. ¡Este zume non durará nin 30 segundos pola casa!

• Pau de laranxa: so necesitamos zume de laranxa natural e envases para facer polos. Se non temos envases de polos podemos usa-lo envase dos iogures baleiros. Podemos poñerlle froita dentro.
  
  
  
  
  

AULA SOLES- Facemos unha casiña para xogos

Bos días familias! A entrada desta semana, dende á AULA DOS SOLES está relacionada có xogo simbólico, consiste en elaborar unha casiña de xogos. Este tipo de xogo axuda a que entendan o seu redor, desenvolver a linguaxe, mellorar a socialización e a intelixencia emocional. A súa vez, paralelamente potencia a súa autonomía, creatividade e imaxinación.

A continuación, deixámosvos diferentes ideas para facer, cós bosquexos e patróns para poder realizalas. Tan só precisades dunha caixa e de cinta adhesiva. Para a posterior decoración, podedes pintala, engadirlle fiestras, portas, tellas,... Sen dúbida, unha simple caixa pode ser o mellor xoguete. Facédea e poderédelo comprobar!!!!

E para aqueles con ganas de algo máis, no seguinte vídeo ensinámosvos unha proposta para facer un tipi indio sen necesidade de coser, para el tamén podedes empregar en lugar da madeira as canas indias que hai nas fincas. Velaquí vai o vídeo!

Non nos esquecemos dos cativos que estiveron de aniversario durante este tempo que non fomos á escola. Estes pequenos que cumpriron anos na aula dos soles foron: Nicolás, Simón, Ayman e Thiago. Moitas felicidades neste primeiro aniño!!!!!!

ATA PRONTO, MILLÓNS DE APERTAS!!!!!!

AULA LÚAS: ESTA VAI DE CONTOS.

Ola a todos, 

   Estamos recollendo toda a escola. Limpamos, lavamos, ordeamos, recolocamos,...Xa sabedes que os nenos non poden volver a vir ata SETEMBRO. Unha magoa... Unha das cousas que máis nos gusta facer é ordear todos os libros que temos, reparalos e deixalos listos para poder contar ós nosos nenos e nenas. Non hai nada mís enriquecedor para os nosos cativos que mirar e escoitar contos. Entre os efectos positivos de ler cos pequenos están:

• Axudámoslles a enfocar a súa atención e a mantela o tempo suficiente para escoitar a historia.
• Ofrecemos un modelo de lenguaxe correcto tanto en estructura como en vocalización, ás veces diferente do que está habituado/a .
• Propiciamos que coñeza novo vocabulario.
• Ensinámoslles entornos e personaxes descoñecidos reais ou imaxinarios.
• Fomentamos a sua creatividade que se vai manifestar tanto na linguaxe como no xogo
• Favorecemos a creación dunha relación de afecto estreita entre pais/nais e fill@s, pois mentres lemos estamos tendo contacto físico, mirándo@s, atendendo@s...
• Facilitamos que poida entender situacións que as veces é millor explicar coa axuda dun conto, unha rabieta, un nacemento, un conflicto,...
•  ....

    Todo isto "Tan só con leres un libro". Esta frase tan expresiva  é o título dunha canción moi chula de MAMÁCABRA. 

Escoitádea cos vosos nen@s neste enlace

   Dende aquí ofrecemós unha seleción de contos que  van a gustarlles e que podedes comprar ou buscar nas bibliotecas. Son unha pequena mostra de todo o mundo da literatura infantil que podemos atopar. Seguro que algúns xa os coñecedes.

Pablo Albo e Andre letria. A sopa Queima. Ed OQO
No día a día, os máis pequenos teñen que facer fronte a retos que a eles lles parecen insuperables, aínda que os adultos os vexan como algo nimio; neste caso, a sopa a unha temperatura imposible.

Jerome Ruilier. Por cuatro esqinitas de nada. Ed juventud
Cadradiño   na casa dos amigos Redondiños, pero non pasa pola porta porque – A porta  redonda como os seus amigos! «Teremos que recortarlle as esquinas!», din os Redondiñoss. «Oh, nom! – di Cadradiño – » Qué podemos facer? Cadradiño é diferente. Nunca será redondo

Eva Mejuto e Mafalda Milhoes. Maruxa. Ed OQO
Maruxa decide dar unha lección ao seu marido. Astuta, e cunha gran habilidade no manexo da retranca, logrará que Pepiño tome consciencia de que o traballo da casa está mal repartido e consegue que cambie de actitude.

   

  Agora imos ensinar outro conto, "O cascabel da Gata",  pero este xa aparece contado no seguinte vídeo:

Recordade:

LEDE PARA OS NEN@S, 

E PARA OS ADULTOS TAMÉN!

Boas familias!

Esta semana aproveitando que andamos pola escola achegámosvos algúns contos contados que sabemos que lles gustan moito os nenos e nenas. 

Estade moi atentos!

Para comezar, un bo susto ides levar! uffffff QUE SUSTO!

Para continuar, cos ANIMAIS imos cantar!

E para rematar O POLO PEPE vaivos encantar!

                                        

Un bicazo enormeeee familias! smuaaaaaaaksssss!!!

SOLICITUDE DE PRAZA PARA O VINDEIRO CURSO ESCOLAR 2020-21

Lembrade, o prazo para a solicitude de praza na Escola Intantil Municipal 0-3 remata o vindeiro 25 de xuño!!!!

ENLACE WEB Á INFORMACIÓN DO CONCELLO

AULA NUBES- XOGAMOS CON XEO

Ola familias! Por fin chegou o bo tempo! Dentro de nada será verán e hai que buscar actividades para que @s peques poidan gozar do aire libre: Nesta ocasión traio actividades para @s nen@s con xeo onde poderán experimentar, aprender e divertirse con pouca cousa.

O xogo chámase "TESOUROS DE XEO", trátase de liberar pequenos tesouros atrapados en xeo. Poden ser grandes ou pequenos bloques onde os xoguetes quedarán atrapados. @s peques poden liberalos derretendo o xeo botándolle auga quente, metendo os bloques na piscina e esperar a que se derretan, dándolle golpes cun martelo.

Tamén podemos tinxir a auga con colorante alimenticio para formar bloques de cores.

Os bloques pódense facer utilizando simples cubos de xeo (pero moito ollo para que non leven as cousas pequenas a boca), ou utilizando calquera tipo de envase que se poida meter no conxelador.

Podemos utilizar globos de auga nos que primeiro debemos meter o xoguete con coidado para non rompelo, logo enchelo de auga facerlle un nó e metelo no conxelador e cando este conxelado rompe-lo globo.

Outra idea divertida é facer BARCOS DE XEO. Poñemos auga nun cubo de xeo e levámolo ó conxelador para facer cubitos de xeo normais. Despois dun anaco, cando o xeo empece a formarse, colocamos un anaco de palla no centro de cada cubito. Unha vez que o xeo estea formado sacámo-lo cubo de xeo, agregamos unha vela de papel e os nosos barcos están listos para competir na piscina, bañeira ou deslizarse por unha superficie lisa apenas inclinada.

MANOS DE XEO. Unha idea divertida é colorea-la auga con témperas ou colorante alimenticio e usala para encher luvas desbotables. Cerrámo-las luvas cun nó e poñémolas no conxelador. Unha vez que a auga estea completamente conxelada rompémo-la luva para libera-la man. Podemos poñer as man conxeladas no xardín ou dentro dun recipiente grande e invitar @s peques a descubrir como se derrete o xeo (coa calor do sol, con auga tibia, con sal,...).

Ata a vindeira entrada: Moitos biquiños.

AULA SOLES- Caixa de actividades e consellos para contar contos

Bos días, esta semana a proposta da CLASE DOS SOLES trátase de elaborar unha caixa de actividades con material de refugallo. Para elabora-la é preciso, como base unha caixa de cartón ríxido grande.En cada unha das caras da caixa podemos poñer actividades diferentes.  A continuación vos propoñemos unha serie de suxestións para pór na caixa:

E para rematar bótadelle un ollo ós seguintes vídeos sobre estratexias e consellos para contar contiños ós pequen@s.

Ata a vindeira entrada, moitos bicos!!!