Ola familias:
Unha semana máis dende a casa estamos a realizar recomendacións para os vosos xogos cos nenos. É moi importante dedicarlles un tempo de atención e xogo cos nenos, todos os días. Eles senten que son importantes cando preparamos actividades para eles.
As veces os materiais máis sinxelos e comúns resultan novos para os nenos e polo tanto atraen a súa atención. Neste caso imos aproveitar algúns materiais de refugallo para unha actividade de atención e motricidade fina.
MATERIAL A EMPREGAR:
- Bandexas plásticas dos alimentos, realizarémoslles uns buratos cun taladro ou un cravo quente.
- Anacos de lá, ou cordel dunha medida aproximada de 40 cm. Para usalos necesitamos facerlle un nudo ben gordo nun extremo e pegarlle un pouco celo no outro extremo.
- Espaguetes ou palliñas.
OBXECTIVO DO XOGO
Os nenos han de introducir os fíos polos buratos das bandexas a modo de costura. O resultado ás veces é un zurcido moi bonito, outro é unha pequena lea pero o esforzo do neno/a sempre é moi interesante. no caso de empregar os espaguetes ou as palliñas so se trata de introducilas polos buratos das bandexas a modo de bandeiriñas.
Aí van unhas fotos para ilustrar o proceso:
Anaco de la ou cordel |
Bandexas |
Espaguetes e palliñas |
Resultado con espaguetes e palla |
Zurcido final. |
Despois desta actividade tan concentrada podemos propor un baile animado. Este que vai a continuación xa estabamos a ensaialo na clase. Era unha posible actuación de cara á xornada de Fin de Curso. Podedes ensaiar cos nen@s na casa. É moi fácil. Axudádelle e así bailaremos todos xuntos cando volvamos á Escola!!!
Ningún comentario:
Publicar un comentario