Presentación da charla sobre coeducación

Neste mes tivemos unha charla ofrecida pola asistenta familiar do Concello en relación a importancia de ser responsables e fomentar nas casas a coeducación dos máis pequenos da familia. A continuación deixámosvos as imaxes da presentación da charla, para que lle botedes un ollo aqueles que non puidechedes vir.

Aniversarios decembro

Non queremos despedir o ano 2018, sen dar as nosas felicitacións ós cativos do mes de decembro. Parabéns Candela, Breixo, Sofía e Roi. Unha aperta e feliz ano!



NADAL 2018

Todos os anos dende a escola infantil municipal de Meaño intentamos involucrar ás familias e facelas participes en todo o relacionado có centro, neste caso coa celebración do Nadal. Este ano encargámoslles unha actividade para faceren en familia e deixar voar a imaxinación: decorar o nome do seu fillo/a como quixeran, para construir a Nosa arbóre de nadal.

Logo fixemos unhs regaliños cós cativos: unha postal que enviaron os maiores do colexio a Correos e un pequeno adorniño para as familias, feitos con moitísimo agarimo.



 

E como xa é tradición, Papá Noel visitou cada unha das aulas, deixándonos uns pequenos agasallos; pero non todos os cativos o recibiron cos brazos abertos, senón que algúns deles choraron e asustaron por mor daquel home tan estraño que nos visitou na escola.

 

 

 

Isto tan só é un bocadiño de todo o que aconteceu nesta marabillosa data de Nadal, por todo o demais, desde a Escola Infantil, DESEXÁMOSVOS UNHAS FELICES FESTA E UN PRÓSPERO ANO!

Magosto

        En Novembro é tradición comer as castañas na festa do magosto. Na Escola celebramos o noso o venres 16 de Novembro.  Antes de sair ó patio a comer castañas  experimentamos na clase con elas, metémolas en botes, trasvasamolas, xogamos a encestalas, a tiralas,..As 12 da mañan xa cheiraba  a castañas asadas no patio. Saimos os nenos maiores. Había sol, castañas, música e ganas de festa. Os familiares que puideron acompañáronnos a comer castañas
Gústanos moito cantar e bailar e esta que vai a continuación é unha das cancións que nos acompañou na festa. Preme na ligazón par escoitala
Magosto,magosto. 
     

Na clase estivemos preparando o cartel para a festa

Pintamos unha señora castaña ben grande para ambientar o msgosto

Agachamos castañas dentro dos botes

Era difícil desenroscar a tapa para ver as catañas

Saímos ó patio co cesto que fixemos antes para levar as castañas

Custou moito  estonar as castañas para comer

Preparamonos para bailar 

Foi unha experiencia agradable  tanto para os nenos como para os adultos.

Felicidades a todos os cativos que estiveron de aniversario en Novembro

Concienciación e relevancia de educar en igualdade

Queridas familias, botádelle un ollo a este boletín para as familias, creado polo o Concello de Meaño, sobre a importancia de educar na igualdade. Como ben sabedes é un tema de moita actualidade e importancia na situación social de hoxe en día, sobre o cal debemos educar dende ben cativos.

ANIVERSARIOS XULLO E AGOSTO

Perdoade pola espera xa que estivemos de vacacións, máis non nos esquecemos daqueles cativos que estiveron de aniversario nos pasados meses de xullo e agosto. Parabéns GAEL, JUAN, IKER, JULIA MEIXUS, YASSIN, ALEJANDRO e VEGA!!!!!!

DESPEDIDA!!

Remata o curso e no nome do equipo educativo, queremos agradecerlles ás familias a súa colaboración en tódalas actividades das que os fixemos partícipes,  por confiar en nós e demostrarnos cada ano, que a nosa profesion-a profesion mási fermosa do mundo-  ten moito sentido, que coa colaboración deles, traballando todos a un, o camiño é mais doado.

E sobre todo queremos darlle as GRAZAS AOS NENOS E NENAS por tanto:

por regalarnos os seus sorrisos, abrazos e bicos diarios, polos seus descubrimentos,  por poder acompañalos nos seus pequenos e non tan pequenos logros, e tamén, porque non, polo seu consuelo nalguns días nos que nós tamén o necesitamos: grazas de corazón.

GRAZAS, GRAZAS, GRAZAS!!!!

VOLTAREMOS O VINDEIRO CURSO!!

COMO QUEREMOS AOS NOSOS AVÓS!!!

Ao rematar xullo, adicámoslles unha xornada aos avós e avoas dos nosos nenos: queriamos que coñecesen o que facemos na escola un día calquera e compartir con eles xogos, musica e bailes.
estas son algunhas das fotografías que fixemos durante a xornada, mirade: