Estampamos corazóns VERMELLOS

Un ano máis volve San Valentín, 14 de Febreiro Día dos namorados e da amizade. É unha boa data, non só para recordar o valor do amor e da amizade, senón para celebrar aquelas cousas que nos enchen o corazón.

Este ano estampamos uns corazóns vermellos feitos cos tubos do papel hixiénico e quedáronnos así de "chulos".

Tamén lemos o conto " De qué color es un beso" de Rocío Bonilla. Algar Editorial.. E bailamos e cantamos a canción "Eu teño alguén no meu corazón" de María Fumaça.

https://www.youtube.com/watch?v=HiHDRCyV5Es

Pinceladas do primeiro trimestre na aula dos soles

Neste primeiro trimeste na aula dos soles, os máis pequenos conseguiron moitos logros: voltear, arrastrarse, gatear, pórse de pé, balbucir, camiñar, entre outras moitas. Os comezos non foron fáciles: choros, gritos, alteracións no sono e na alimentación; pero estas manifestacións son comúns no período de adaptación. 

Por sorte, recorremos este camiño e os cativos están prácticamente adaptados ó ritmo da escola e as persoas que a conforman. A continuación deixámosvos unha compilación de fotografías de algunhas cousiñas que fixemos neste primeiro trimestre (observar e manipular elementos do outono, cesto dos tesouros, Nadal, expresión plástica,...).

ESTAS MAGDALENAS QUE RICAS QUE ESTÁN!!

O entroido é unha das celebracións que máis lles gustan aos pequenos, divírtense disfrazándose, pintando a cara, xogando con confeti, bailando....

Na semana do 5 ao 9 de febreiro, a Escola Infantil, encheuse de colorido e ledicia, os pequenos e pequenas dende o luns ata o venres disfrazáronse tódolos dias:

 primeiro disfrazamo-la nosa cabeza:





Logo o PESCOZO:

O mércores trouxemos un orixinal mandil:

O xoves, puxemos o noso disfrace favorito....

e o VENRES, TATATACHÁN!!!!

a escola encheuse de magdalenas de moitos sabores: limón, chocolate, fresa, piruleta..e,

este ano conseguimos garda-lo segredo!!!!

ENTREVISTA A ANTONIO GARCÍA TEIJEIRO

Este foi o anaco de poema que escollemos para traballar o Dia Escolar da Non-violencia e a Paz na Escola Infantil, da  obra "Bolboretas no papel" de Antonio García Teijeiro:

-Onde vas bolboreta?

-vou coller a maleta

-e nunha bicicleta

percorrer o planeta

-quero ver como as flores

van enchendo de cores

os sorrisos e as dores (...)

Deixámosvos este enlace para ler unha  entrevista co Autor de tan fermosos poemas:

http://www.farodevigo.es/portada-arousa/2009/03/29/da-lingua-e-unha-polemica-interesada-parece-intolerable/311169.html

30 DE XANEIRO: ENCHÉMOLO TODO DE COR

Queremos lembrar, de novo, a orixe e os obxectivos de este sinalado día:

O día Escolar da Non-violencia e a Paz foi declarado por primeira vez no ano 1964. Xurde dunha iniciativa pioneira, non gobernamental, independente e voluntaria de Educación non-violencia e Pacificadora do profesor español Llorenç Vidal. O seu obxectivo é a educación en e para a tolerancia, a solidariedade, a concordia, o respecto aos Dereitos Humanos, a non-violencia e a paz. Neste día, os colexios e centros convértense en instrumentos de paz e entendemento entre persoas de distinta formación, raza, cultura e relixión. A mensaxe deste día e:"AMOR UNIVERSAL, NON-VIOLENCIA E PAZ".

Desde o ano 1976, no que foi recoñecido polo Ministerio de Educación e Ciencia, o 30 de xaneiro conmemórase ademais a morte do líder nacional e espiritual da India, o Mahatma Gandhi, asasinado a tiros por un fanático hinduísta.

Na escola Infantil pensamos que o poema de Manuel Garcia Teijeiro "Bolboretas de Papel" reflexaba moi ben o papel dos pequenos e pequenas no que se refire a paz, a non violencia, o entendemento: eles son como as bolboretas do poema e éncheno todo de cores.

Durante algúns días estivemos a traballar o poema, o seu significado, realizando actividades de expresión plástica cos pequenos e, nesta ocasión, pedimos a colaboración de nais e pais (tiñan que recortar bolboretas de cores para facer este gran corazón).

Entre todos enchemos de cores a nosa escola: GRAZAS

Aniversarios no mes de xaneiro

Despois do Nadal, neste mes de xaneiro estiveron de aniversario oito cativos da escola: Serine, Unai, Mateo Lariño, Sofía, José Luis, Julia Couso e Victoria.