APERTURA PRAZO PARA NOVO INGRESO NA EIM 0-3 ANOS DE MEAÑO

Madamas e galáns- Entroido 2022

Nestos días, a Escola Infantil énchese de cor, de música e grandes doses de maxia. Aspectos que buscan conseguir unha atmosfera especial que transporte ós alumnxs a un mundo onde se poida chegar a ser todo aquilo que queiras. Durante unha semaniña, a Escola visteuse de cores e alegría, todos os nenxs disfrutaron de luns a venres de actividades relacionadas coas festas de🎭ENTROIDO🎭, tan divertidas e que tanto lles gustan. 

Comezamos a semana disfrazando as nosas cabecillas, o martes mandil orixinal, o mércores algo no pescozo, o xoves disfrazámo-nos co noso disfrace preferido e o venres todos,  desde os máis pequenos ata os máis maiores e súas mestras, disfrazámonos de MADAMAS E GALÁNS, cos nosos coiares de cores, o chaleco repleto de lazos e os gorros tan fermosos e coloridos con moreas de flores. Como vedes, seguimos neste ano coa temática do Entroido tradicional, xa que o ano pasado fomos de peliqueiros e este do disfrace típico galego de madamas e galáns (Vilaboa).

Ademais, e como novidade tras a pandemia, o venres as nenas e nenos maiores que pasan ó segundo ciclo de Educación Infantil o ano que ven, saíron de desfile ata a alameda. Mais, nese espazo estaban ás familias que foron quen de velos e retratar o momento, coma unha experiencia para o recordo. Á volta, aínda que con bastantes choros, bailamos e comemos doces típicos do Entroido, e como en Galicia somos expertos en facer boas festas e boa comida, na Escola non íamos ser menos. 

Velaquí vós deixamos algunhas fotiños desta data tan especial, que tanto os cativxs como as mestras, agardamos con ilusión cada ano.... Que nos deparará o vindeiro Entroido? Seguro que como cada ano, máis e mellor!

🌟🌟AULA DAS ESTRELAS🌟🌟

☁☁AULA DAS NUBES☁☁

🌛🌜AULA DAS LÚAS🌛🌜

ALGO NA CABEZA

ALGO NO PESCOZO

MANDIL ORIXINAL

DISFRAZÁMONOS NA AULA

MADAMAS E GALÁNS

Entroido na aula dos bebés?

É posible celebrar o Entroido na aula dos bebés?

Esta foi a pregunta de partida e o que nós pretendemos  facer é un achegamento ao Entroido respetuoso cos pequeniños e pequeniñas. A primeira premisa é respectar as rutinas diarias de cada pequeno/a que lle aportan seguridade e tranquilidade e partindo de ahí, ofrecerlles materiais para a exploración nun ambiente de ledicia.

Para eles os disfraces non teñen significado, aínda non saben  "xogar a ser", os disfraces son "roupas" como outras calqueras que lles visten as súas familias cada día e os complementos dos disfraces son elementos de xogo  a descubrir.

Dende o respecto, conseguimos que estes días fosen diferentes e especiais, xa que na Escola, o ambiente era festivo e alegre.

Compartimos estas fotografías destes días de Entroido con todos vos:

A Ari non lle gustou nadiña o disfrace!

NOn quería disfrazarse de cociñeiro!

A Rodrigo non lle disgusta nada levar o sombreiro de Galán!

Julia está moi entretida cos botóns do seu mandil!

Aniversarios febreiro 2022

No mes dos namorados e do Entroido, estiveron de aniversario tres rapaces da aula das Estrelas: Álvaro D, Vania e Carmen. MOITAS FELICIDADES A TODXS!!!!! A seguir medrando...