Saída aos cabalos

Esta mañá puidemos visitar a hípica Finca Veiguiña, para poder acercarnos ao mundo do cabalo. O primeiro que puidemos ver foi a diferencia entre un cabalo e a burriña Catalina, á que todos os que nos apetecía puidemos tocar e acariñar. Logo ensináronos como se lle fan trenzas aos cabalos, neste caso foi á preciosa egua Nube, para que despois nos mostrase na pista todo o que sabía facer co seu xinete. Tamén probamos as cadeiras de montar, ¡¡encantounos!!  Antes da merenda visitamos as cuadras dos cabalos que tiñan alí como a de Trigueña, Churri... Foi xenial poder xogar coa avea dos cabalos. ademais puidemos merendar no xardín e gozar de Nube e Churri facéndonos as súas demostracións. ¡Pasámolo pipa ata no autobús!

Día das letras galegas

Hoxe, para celebrar o día das letras galegas, tivemos unha visita moi especial. A sala de bicis estaba cha de emoción e ganas de escoitar á contacontos que nos acompañaba. Rimos, cantamos e xogamos moito mentres nos contaba a historia moi mariña e nos ensinaba personaxes que aparecían do obxecto máis insospeitado. ¡Quedamos encantados!

Saída ós pasales

Hoxe saímos de excursión camiñando ao parque dos Pasales as nenas e nos das aulas das estrelas e das lúas. ¡Pasámolo pipa camiñando agarrados á corda cantando as nosas cancións! Ademáis a policía local acompañounos todo o camiño e fixonos un montón de gracia cando nos poñía a súa sirena.

Cando chegamos ao parque xogamos moito e logo comemos as nosas mazás e os nosos bocadillos para repoñer forzas e voltar a xogar de novo.

A volta foi moito máis entretida pois, a pesar de estarmos moi cansados, cruzarnos coa garda civil e escoitar que a súa sirena era distinta encantounos. A chegada ao  colexio foi rapidísima e despois poidemos aínda aproveitar para xogarmos un ratiño máis.

Visita da nai e do pai de Iker

O pasado venres viñeronnos visitar os pais de Iker á aula das lúas. ¡Qué ilusión nos fixo cando nos ensinaron tantos intrumentos! Puidemos tocar a pandeireta, o bombo co seu mazo, o tambor con dúas baquetas e o mellor de todo, ¡puidemos ver como soaba a gaita! A nós encantannos as cancións, así que o papá de Iker tocounos "a saia da Carolina" e "♪♫o galo canta, a galiña chora...♪♫".

Iso sí a nosa favorita foi e será sempre a da "cumpleaños feliz"!!

Aniversarios maio

Miña nai!!!! Neste mes de abril houbo unha morea de aniversarios na escola infantil. Na clase dos soles, máis da metade da clase naceu neste mes: Andrea, Megan, Mario, Valentina e Malia fixeron o seu primeiro aniño. Nas nubes tanto Anxo coma Antía foron os que estiveron de aniversario. E por último, nas estrelas e lúas, Enzo xa ten os 3 anos e José Antonio fixo os 2. PARABÉNS A TODA A RECUA!!!!!