Bos días familias,como vos atopades?, xa falta menos para ir superando esta situación, moito ánimo da nosa parte.
Hoxe queremos falar sobre o CONTROL DE ESFÍNTERES, xa que moitos de vós amosástedes interese nas conversacións telefónicas que tivemos.
Moitos dos pequenos da nosa aula "estrelas", xa cumpriron os dous anos e nalgúns casos poderían estar en situación de deixar de usar cueiros.
Hoxe queremos falar sobre o CONTROL DE ESFÍNTERES, xa que moitos de vós amosástedes interese nas conversacións telefónicas que tivemos.
Moitos dos pequenos da nosa aula "estrelas", xa cumpriron os dous anos e nalgúns casos poderían estar en situación de deixar de usar cueiros.
Nesta publicación pretendemos informarvos en que consiste o proceso do CONTROL DE ESFÍNTERES, tan importante no desenvolvemento dos pequenos e pequenas.
O proceso de deixa-lo cueiro é
un proceso natural que depende do estado madurativo do pequeno/a. O neno debe ser o protagonista.
Conforme o neno/a crece o seu sistema nervioso vai madurando
, pero non todos os nenos/as maduran ao mesmo tempo (é importante ter isto en conta).
Antes dos 18 meses, aproximadamente, o neno non madurou as súas conexións entre o cerebro, o sistema nervioso e os músculos dos esfínteres que
lle permiten tomar conciencia dos seus estados corporais internos e controlar
de forma voluntaria a evacuación das feces e do mexo. Será entón, a partir desta idade cando o pequeno/a poida comezar o proceso de deixa-lo cueiro.
Algunhas das sinais que nos indicarán que este proceso comezou
son:
O neno ou nena:
- Rexeita os cambios de cueiro.
- Dáse conta de que acaba de facer pis ou caca e o di.
- Intenta quitarse o cueiro.
- Esperta co cueiro seco.
- Mantén seco o cueiro por máis tempo (3 ou 4 horas).
- Comeza a avisar antes de facer caca ou mexo.
- Interésase cando outros van ó baño e imítaos.
- Entende ordes sinxelas.
Nós deberemos observar estes sinais e facilitarlle un entorno
físico e emocional que lle permita vivir o seu proceso de forma natural,
sentíndose respectado e alentado por nós.
Debemos vivir este proceso con cariño, é un salto máis na
evolución do neno/a, un chanzo máis na conquista da súa independencia.
- Face-lo cambio de cueiro no baño para que o neno/a relacione o espazo co acto de ouriñar ou facer caca.
- Traballa-la autonomía no proceso de subir e baixar os pantalóns e as braguiñas ou calzóns.
- Invitar ao pequeno, no momento do cambio de cueiro, a que se sente no penico ou facilitarlle un banquiño para que poida sentarse no váter (existen no mercado adaptadores para os nenos).
- Establecer unhas rutinas diarias para acompañalo ao baño.
- Prepararlle un espazo acolledor no baño que ó invite a acudir a el (podemos terlle unha cestiña con contos relativos ao tema de deixar o cueiro ou outros que lle gusten, unha banquetiña pequena para que se suba e sexa capaz de sentarse no váter, un espello seguro á súa altura...).
- Roupa cómoda e doada de vestir e espir.
O importante, quizais ó mais importante é a nosa actitude:
- Nin premiamos nin nos enfadamos.
- Non os obrigamos a permanecer sentados no penico contra a súa vontade.
- Non nos burlamos del/dela nin facemos bromas.
- Non comparamos o seu proceso có doutros nenos/as.
- Animamos aos pequenos/as, enfocándonos nos seus logros, fixámonos no conseguido, non no que está por conseguir.
Se vos xorden dúbidas, non deixedes de contactar connosco por medio do correo electrónico:
escolainfantilmunicipal.meano@gmail.com, intentaremos responder o antes posible.
Un abrazo xigante para estes pequenos que tanto botamos de menos💗
As profes
Lara e Andrea
Ningún comentario:
Publicar un comentario