Bos días a todas e todos! A proposta de esta semana para os cativos da AULA DOS SOLES, aínda que tamén pode facerse para nenos maiores, consiste na elaboración de ruxerruxes ou axóuxeres. Estes obxectos axudan ao neno a saber que el pode facer que as cousas ocorran ao seu redor e establecer a relación causa-efecto, o cal é unha satisfacción para eles. Ademais é básico no desenvolvemento da súa intelixencia xa que estimula os seus sentidos, mellora a súa coordinación motriz, o desenvolvemento asociativo e sobre todo é moi divertido nestas idades. Existen unha infinidade de opcións de como facelos, coidade sempre que sexan obxectos grandes se están o acceso, pero si van dentro dun recipiente, que este estea ben pechado:
Cun anaco de calcetín, tea ou mesmo unha goma do pelo, onde se poden coser cascabeis grandes, trociños de feltro,...
Ou ben, cun aro de madeira, fío ou lá e cascabel.
Un bote de plástico e cordas onde podedes poñer: botóns, chapas, tapas,...
Tamén, cun rolo de papel hixiénico forrado con cinta adhesiva ou tea, onde meteremos arroz, cascabeis, garavanzos, lentellas, contas, tapóns,...
Ou nunha botella de plástico ou biberón vello, coidando sempre que estea ben selada a tapa. Podedes decoralos e enchelos ó voso gusto.
E para aquelas familias onde vós guste a costura ou se vós dé ben as manualidadades... Velaquí vai unha proposta de ruxerruxe máis complexa pero seguro que vos encanta!
Esperamos que vos gustase moito esta suxestión e que poidades levala a cabo e gozar de momentos fenomenais. Ata a vindeira entrada, APERTAS!
Ningún comentario:
Publicar un comentario