AULA LÚAS: MERENDAMOS NO CAMPO!!

OLA FAMILIAS:

  Coa chegada deste bo tempo o noso entorno cambiou moito. Temos flores, árbores verdes, moitos paxariños, poucas nubes e ás veces moita calor. Temos que aproveitar todos estes novos recursos para ensinarllelos ós nenos. Os paseos son moi útiles para axudarlles a ser conscientes deste cambio. É preciso facerlles observar o cambio no tipo de roupa máis fresquiña que vestimos agora na primaveira: camisetas de manga curta, pantalóns curtos, sandalias,...

    Aproveitando un deses paseos podemos recoller follas das árbores para estampalas en papel. Para realizar esta actividade precisamos:

• Follas de árbores co envés marcado, tipo figueira, castiñeiro, vide, pero serven tamén outras moitas.
• Pintura de cor verde.
• Pincel para extender a pintura sobre a folla.
• Papel para deixar a pegada da folla.

     Con estes materiais o proceso é moi sinxelo. Trátase de pintar as follas pola parte traseira e logo colocalas coa parte pintada sobre o papel e presionar un pouco . Así quedará unha bonita pegada moi decorativa. Xuntando varias follas estampadas podedes elaborar un bonito mural para adornar , por exemplo, a vos cociña.

   É moi importante valorar a actividade que realicedes cos vosos nenos e expoñela na vosa casa é un bo xeito de facelo.    

Estes serían os pasos para deixar a pegada da folla pintada.

Outros estampados podería ser estos , empregando cores diversas.

      Ás veces os resultados non son tan vistosos, pero o importante é o proceso realizado polos vosos nenos.

       E xa que imos pasear polo campo podemos levar a merenda e compartila con amigos . De eso trata o video que se presenta a continuación.

    

    Adeus a todos e xogade moito. Ata pronto!!