Este pasado luns, os nenos e nenas da Escola Infantil, fomos
visitar dous dos centros nos que poderán matricularse o vindeiro curso 2015-16.
O obxectivo principal destas visitas é o de coñecer un centro escolar diferente
ao noso, moito mais grande e onde convivirán con nenos e nenas doutras idades,
onde as instalacións son moi diferentes (os aseos están situados fóra das aulas
e terán que ir eles sós), teñen espazos específicos como a biblioteca ou a aula
de música...
O luns, moi cediño, os pequenos e pequenas
subiron no autobús (unha das cousas que mais lle gustan de ir de "excursión")
e nos diriximos en primeiro lugar a Unitaria de Xil:
Alí estaban a esperarnos a profe Cristina
e soamente sete rapaces que son os que están matriculados nesta escola. Os
pequenos gozaron moito de todo o que alí había, moitos xogos e contos, unhas
instalacións moi bonitas e unha boa acollida por parte dos alumnos/as.
 |
| Na sala de psicomotricidade |
 |
| A Nico encantoulle sair na TV!!!! |
Logo de pasar un bo ratiño cos amiguiños da unitaria, subimos no autobús dirección: CEIP " As covas" en Meaño.
Ao chegar, cada grupiño foise para unha das aulas de infantil e merendamos cos rapaces e rapazas
 |
| Os nenos da sala da profe Raquel ata decoraron un mantel para a ocasión!!! |
Logo da merenda fomos a sala de música con profe Alberto e cantamos cancións que coñecíamos moi ben: " O galo canta", "O polo Pepe"
Despois de cantar e pasalo moi ben, saímos o patio e compartimos xogos cos nenos e nenas de infantil: pasámolo en grande!!
E para rematar a visita voltamos as aulas e cada mestra contounos un conto.
Asi rematou a xornada: voltamos a escola, están esperando por nos os nosos papás e mamás.
GRAZAS A TODOS, FOI UN DÍA XENIAL!!!
Ningún comentario:
Publicar un comentario