O término HEURÍSTICO proven da palabra grega EURISKO que significa DESCUBRIR
e xa nos da pistas sobre os obxectivos do xogo.
Trátase dunha proposta de xogo de Elionor Goldchmied
(1981)destinada a nenos e nenas entre 12 e 20 ou 24 meses, para
realizarse en grupos reducidos.
O xogo heurístico é unha actividade que aproveita as accións
espontáneas dos pequenos e as potencia. Contribúe a estruturar o pensamento, a
linguaxe, a relación persoal e as acción dos nenos.
Ten dúas fases:
durante a primeira exploran o meterial e combinan uns obxectos con outros e
durante a segunda recollen o material, orientados por un adulto e de forma
organizada
Competencias que desenvolve: descubrir que acción pódense
realizar cos obxectos: meter e sacar, tapar e destapar, encher e baleirar, amorear,
abrir e pechar, encaixar, aliñar, botar, deslizar, estirar, agrupar e
separarse, premer, colgar e descolgar, comparar, etc.
¿Qué necesitamos?
MATERIAIS:
· Obxectos: Deben ser doadamente combinables entre
sí, poden ser recuperados da natureza (cunchas, piñas, esponxas, cantos rodados
e noces…), confeccionados expresamente para o xogo ou comprados (anacos de tea,
pompons de la e puntillas, argolas de
cortina, anacos de cadenas finas, flotadores de redes...), recollidos (tapas de
metal, envases de iogur, botellas pequenas de plástico…)
·
Colectores: Os colectores deben ser dun material
susceptible de conter outros obxectos e han de ser cóncavos, perforados,
sólidos, duradeiros e doados de manexar para os nenos e non demasiado altos,
para que o neno poida ver o seu contido e meter a man. Os colectores serven de
receptáculo e poden conter varios obxectos ao
mesmo tempo: cilindros de carton ou metal perforados polos dous ou por
un, botes de metal sen tapa, caixas de madeira ou de metáis, cestas de vimbio…
·
Bolsas: Deberan ser de tea e adaptadas ao tamaño
do material que han de conter. Necesitaremos unha bolsa para cada tipo de
obxecto co nome visible. As bolsas teñen un obxectivo dobre: conservar o
material de xogo ben clasificado cando non se utiliza e permitir a recollida do
material durante a segunda parte da actividade.
A tarefa do mestre consiste en preparar os elementos
necesarios para o xogo, encontrar o momento oportuno para incitar a iso, disponer
da sala e presentar o material. Despois debe sentar e observar a actividade ,
dándolle seguridade aos nenos. Só ten que intervir nos momentos precisos: orientar
a recollida a través da linguaxe, evitar interferencias dos nenos, reordenar os
obxectos excesivamente dispersos, realizar alguna suxestión individual,
responderá solicitude dalgún neno ou nena, animar a acción dalgún neno ou nena
indeciso e manter un clima favorable á concentración e á actividade dos nenos.
Co exercicio continuado do xogo heurístico chégase a lograr
que os nenos:
ü
Dean un gran paso na estructuración do
pensamento
ü
Aumenten a capacidade de comprensión verbal
ü
Concentren a atención na propia actividade cos
obxectos e nas orientacións que dá a educadora
ü
Coñezan algunas propiedades dos materiais que
manipulen
ü
Traballen de forma autónoma, cada un ao seu
ritmo, e con liberdade de elección de materiais , dentro da oferta realizada
pola mestra .
ü
Experimenten sentimentos de éxito e satisfacción
na propia actividade
ü
Acepten e respecten a presenza activa doutros
nenos…
Ningún comentario:
Publicar un comentario