Levamos unha semana na casa seguindo as instruccións das autoridades, pero non nos esquecemos da escola . Imos aproveitar para recordar as actividades que disfrutamos coas nosas familias.
Durante o mes de febreiro novas familias visitaron a escola con novas propostas de actividades. Os nenos na clase xa teñen integrada a visita semanal dun papá ou mamá. Nesta ocasión a música e unha ampla variedade de instrumentos chegaron a escola da man de Luis, o papá de Uxía. Presentou todos os instrumentos con axuda de cancións e contos de forma moi amena. Todos os nenos manipularon e fixeron sonar os instrumentos que querían. A música sempre é un recurso estupendo.
A variedade de instrumentos, o colorido e a presentación tivo os nenos en alerta de principio a fin. |
Cada familia aproveita os recursos propios. A mamá de Yasin trouxo á escola todos os ingredientes precisos para elaborar dous doces típicos do seu pais de orixe, Marrocos. A todos os nenos lles gusta amasar e axudar a preparar comidas. Neste caso elaboraron un doce con froitos secos, cacahuete e amendoas, moi doce, e tamén un pasteliño con chocolate.
A última actividade proposta na escola tivo como centro a Natureza. Os papás de Damián explicaron o proceso de fabricación do leite por parte da vaca e que este non se crea nos cartóns de leite do supermercado. A mamá de Damián leu o conto "A galiña roxa", onde a galiña ten que traballar moito antes de comer o pan cos seus pitiños. O papá de Damián axudounos a sementar chícharos e xirasois nuha bandexa de sementes. A intención era coidar das sementes e ver como ían medrar. Lástima que esta interrupción da actividade non vai deixar que coidemos as prantas! Cando voltemos a escola repetiremos o proceso!
Manipular as feramentas e coller a terra é moi divertido. A choiva non permitiu que se fixera no patio! |
Por agora queda interrumpida toda actividade da escola. Animádevos familias a desenvolver actividades deste tipo cos vosos nenos, na vosa CASA!!.
Ningún comentario:
Publicar un comentario