Seguindo coa temática da primavera, na Escola celebramos unha festa de moita tradición na cultura galega e sobre todo na nosa provincia, os MAIOS. Esta festividade ten lugar a principios dese mes, de ahí o nome, e ten como significado dar a benvida a primavera e a exhaltación da natureza.
Para iso, solicitámoslles as familias elementos naturais típicos (xestas, pampullos, calas, margaridas, fiuncho, tuias,...) e con eles decoramos o noso gran maio en forma de piñeiro. Tivemos tempo de bailar, tocar instrumentos e cantar arredor dos maios. Por último, tamén elaboramos un mural onde reflectimos unha pequena copla típica da festividade.
Foi todo un reto pero quedou precioso e de gran significatividade cultural como dos elementos da estación. Repetirémolo de seguro!!!!
Ningún comentario:
Publicar un comentario