Cada saída é unha experiencia única e para os pequenos e pequenas, esta concretamente facíalles moita ilusión. Xa fixeramos pan na escola, pero ir ata a panadería e amasar e coce-lo pan naquel forno tan grande, coa axuda dunhas panadeiras profesionais, que estaban encantadas de recibirnos, é outra cousa.
Saímos da escola e fomos camiñando ata a panadería, estábamos moi contentos porque gústanos moito facer excursións e saídas.
Cando chegamos á panadería xa nos estaban esperando. Fabiola e Maria tiñan todo preparado para que puideramos desfrutar amasando.
Colocaran uns tablóns a modo de mesa a nosa altura e comezou a experiencia.
Logo de enfariñarnos e amasar, Fabiola axudounos a darlle forma aos boliños para metelos no forno.
Mentres esperabamos a que cocese o pan, convidaronnos a pan recen feito e nos cantámoslles cancións e ata bailamos en roda.
Cando os boliños estiveron listos, metéronos nunhas bolsiñas de papel e cada un levou o seu "pan" para casa.
Fabiola quixo ter un recordo da nosa visita e así posou connosco para a foto: Grazas Fabiola e María, Grazas Panadería Viñas
Ningún comentario:
Publicar un comentario