Na EIM do Concello de Meaño, como todos os anos, celebramos o 30 de xaneiro o Día da paz e da non violencia. Pero, queredes saber un pouco sobre a xurdimento desta celebración?
Este día está dedicado a conmemorar unha cultura da non violencia e a paz nos centros educativos e elixiuse esta data concreta porque é o aniversario da morte de Mahatma Gandhi, o líder pacifista da India que defendeu e promoveu a non violencia e a resistencia pacífica contra a inxustiza. A súa frase “Non hai camiños para a paz; a paz é o único camiño" converteuse no lema desta conmemoración.
Trátase dunha xornada educativa fundada en España en 1964 polo poeta e pacifista mallorquín Llorenç Vidal, como punto de partida e apoio á educación non violenta e pacificadora. Unha educación inspirada nunha cultura da non violencia e da paz permite que o alumnado adquira coñecementos e actitudes que reforcen o seu desenvolvemento como cidadáns críticos e comprometidos cos seus dereitos e cos dos demais.
Na nosa Escola concretamente, coa colaboración das familias fixemos unha árbore de corazóns, decorados por eles e con frases ou palabras relacionadas có tema. Tamén na clase pintamos unhas pombiñas moi bonitas que logo fomos pegar e colgar no recibidor do cole e quedou precioso!
Ningún comentario:
Publicar un comentario