AULA "SOLES": BOTES SENSORIAIS

 

I¿QUÉ SON ?  ¿PARA QUÉ EMPREGAMOS AS BOTELLAS SENSORIAIS?

 

As botellas sensoriais son un  preciado material de estimulación . 

Trátase de botellas ou botes transparentes, xeralmente de plástico, que se enchen con obxectos ou materiais diversos para estimular sensacións cando se movan.

Os obxectivos que se pretenden co seu uso son entre outros:

• 1.     Estimular os sentidos en xeral, grazas as súas diferentes caracterísiticas en canto a formas, cores, pesos, volúmenes, etc. 
• 2.    Estimular visualmente ao neno/a favorecendo o seguimento dos obxectos en movemento.
• 3.    Mellora-la súa atención
• 4.    Estimular a curiosidade, o interese, a exploración.
• 
  

COMO XOGAN OS NENOS/AS CON ELAS?

Os pequenos manipulan libremente as botellas e fannas xirar, voltear, arrastrar, apilar, etc e tamén observan o seu interior no que hai obxectos de todo tipo.

 COMO SE FAN?

É moi sinxelo:

Para facer botes ou botellas  sensoriais, necesitamos envases transparentes: botellas, tarros, frascos, normalmente  de plástico, aínda que poden ser tamén de vidro ou cristal groso.

Os frascos ou tarros de vidro ou cristal tamén  requiren maior supervisión por parte dos adultos aínda que é moi recomendable o seu uso xa que ofrecen aos pequenos outras sensacións auditivas diferentes cando rebotan os obxectos que conteñen.

O tamaño dos envases non deberá ser moi grande, xa que as súas mans son pequeniñas.

Nestas imaxes vemos a ARIADNA e DYLAN sostendo o bote máis pequeno de todos!!!

Son infinitas as posibilidades para facer botellas sensoriais, tanto en seco coma con líquidos no seu interior:.

Podemos empregar obxectos de todo tipo, so teñen que coller polo bico da botella:

• Naturais coma landras, abelás, folliñas de árbores, anacos de cortizas, froitas desecadas, , legumes, pedriñas, cunchas pequenas, etc.
• Obxectos que temos pola casa como clips, gomiñas do pelo, botóns, papeis diferentes, pompóns, tapóns...

Para os botes que conteñan líquidos podemos empregar aceite de bebés, auga, gomina para o pelo e podemos tinxilos con colorantes. 

É moi interesante a combinación de líquidos con distintas densidades, xa que ao mesturarse crean efectos moi  atractivos.

Por último é importante selar ben as botellas para o seu posterior uso!

Mirade  que ben o pasaron: 

Coma sempre, grazas pola vosa colaboración!!!!

RECORDOS DO CONFINAMENTO

Ola familias, coas fotos que nos enviástedes, fixemos un pequeno vídeo con todo o noso cariño, esperamos que vos guste. Aínda que non saen todos os nosos pequenos, é para eles e para vós tamén.

Mil biquiños e abrazos

As profes

Elva, Andrea V., Andrea R., Elena, Helena e Lara

💓💓💓💓💓💓💓💓💓💓

AULA ESTRELAS: XOGAMOS COA AUGA - Parte II

POMPA DE XABÓN XIGANTES

Para o xogo con xabón podemos empregar unha mestura con  xabón para pratos, auga e glicerina vexetal.

E para xogar coas burbullas podemos utilizar recipientes baleiros de spray, ou o clásico xogo de soprar de pequeno formato (pompeiro) ou probar con outros elementos máis caseiros, como unha raqueta vella sen rede, unha botella de plástico cortada a metade.....

Deixámosvos estas 3 receitas para que probedes, a ver si funcionan jajjajaj👀:

1. Solución normal:

Mestura 5 partes de auga, unha de deterxente liquido e 1 ou 2 culleradas de glicerina.

2. Solución espesa:

Mesturade 2-3 partes de auga, 1 de deterxente e 1ou 2 de glicerina.

Con esta mestura as pompas aguantarán o vento e chegarán ao chan sen romper. 

3. Solución de pompas con efecto rebote:

Necesitaredes 2 paquetes de xelatina non aromatizada, 4 vasos de auga quente, 3-5 culleres de glicerina e 3 culleradas de deterxente liquido.

Con esta receita conseguiredes que as pompas reboten ao chocar coas prendas de vestir. Incríbel!!!

Probádeas todas e xa nos contaredes!!!

AUGA, CARTÓN E PAPEL

Cun pincel e cartóns ou papeis e un pouco de auga  xa temos o xogo feito.

Mollando un pincel só con auga podemos deixar que se absorba. Os resultados cambiarán segundo sexa o cartón, o seu espesor, porosidade... Nada máis ecolóxico! e cando seca, podemos volver usalo. Podemos observar como vai desaparecendo o debuxo a medida que vai secando.

Podemos tamén poñer a remollo o cartón e ver como se rebrandece, metendo nun barreño ou ben mollando cun spray ou unha xeringa.

Se empregamos papeis xa pintados, ata vellos debuxos que non queiramos conservar, podemos facer pelotas de papel, transformando asi en material moldeable.

Por último, un xogo ben divertido que seguro van desfrutar os vosos pequenos: PESCAMOS PEIXIÑOS DE CORES!!

Necesitaredes:

• Limpapipas de cores.
• Tesoira.
• Pinzas.
• Recipiente transparente para a auga.

Paso 1: recortamos os limpapipas en pequenos anacos

Paso 2: dámoslle forma de peixiños (son moi maleables os limpapipas)

Paso 3: votámos os peixiños a nadar na auga

Paso 4: ofrecémoslles ao pequeno un pauciño para pesca-los peixes e deposita-los noutro recipiente.

Acabamos de lembrar unha canción que aos pequenos encántalles, e ten moito que ver con esta proposta de xogo, podedes poñerlla de fondo mentres xogan!

Ata a vindeira semana familias, a seguir xogando!.

As profes

Lara e Andrea💓💓💓💓